Thursday, October 24, 2013

بالعربي: ملّيت!

ملّيت إحكي بالمنيح عنك..
ملّيت لمع صورتك إدام عيلتي ورفقاتي..
ملّيت برر كل شي عملتو غلط بحق رفقاتك لرفقاتك..
ملّيت برر لحالي كل شي عملتو غلط معي..
ملّيت حاول إمحي سلبياتك وقول:إيه ولو ما حدا كامل..
ملّيت قول: معليه بكرة بيحس وبيعرف الصح..
ملّيت فكر إنو أغلاطك مش رح تتكرر..
ملّيت بررلك هالأغلاط..
ملّيت إقعد لحالي بعد كل مشكلة وفكر: أنا بشو غلطت؟! (لأنو طبعاً ما بسمح لحالي للحظة فكر إنو الغلطة غلطتك)..
ملّيت اسمع اعتذاراتك المتكررة بعد فوات الأوان..
ملّيت اتمسك بذكرياتنا وقّلك: شوف شو كنّا مبسوطين!..
أوف وآه! ملّيت واتعبت انتظر هاللحظة العظيمة لما حاتضّوي لمبة فوق راسك وتستوعب إنو أنا فعلًا..فعلًا وحقًا «ملّيت»!